O motor Apertium de Opentrad escollido para o Google Summer of Code 2009

26/04/2009

Google seleccionou o sistema de tradución automática de código aberto Apertium para participar na edición 2009 do Google Summer of Code (GSoC), que contará cun total de 150 proxectos. O GSoC é un programa de ámbito mundial que concede bolsas a estudantes de programación para colaborar nos proxectos de software de código aberto seleccionados previamente. Apertium conta nesta ocasión con nove estudantes asociados, que recibirán unha axuda económica durante tres meses (lista de estudantes e tarefas asociadas).